काठमाडौँ – ताजिकिस्तानमा जारी यू-२३ एसियन कप छनोट फुटबलको अन्तिम खेलमा नेपालले आज आइतबार लेबनानसँग खेल्दैछ।

दुबै टिम अघिल्ला दुई खेलमा पराजय भोग्दै प्रतियोगिताबाट बाहिरिसकेकाले यो खेल प्रतिष्ठाको लडाई मात्र हुनेछ । खेल रिपब्लिकन सेन्ट्रल स्टेडियममा बेलुकी पौने ५ बजे सुरु हुनेछ ।

छनोटको समूह बी मा रहेको नेपाल पहिलो खेलमा इरानसँग ४–० गोल अन्तरले पराजित हुँदा दोस्रो खेलमा ताजिकिस्तानसँग ६–० गोल अन्तरले हारेको थियो ।

कुनै अंक जोड्न नसकेको नेपाल समूहको पुछारमा छ । लेबनान पनि अंक विहीन रहेको छ । लेबनान तेस्रो स्थानमा रहेको छ ।

यस समूहमा ६ अंक जोडेको ताजिकिस्तान शीर्ष स्थानमा रहेको छ । इरान ६ अंक जोडेर दोस्रो स्थानमा रहेको छ । समूहको शीर्ष टोलीले एएफसी तेइस वर्ष मुनिको एसियन कप खेल्नेछन् । यस्तै दोस्रो टोली मध्ये उत्कृष्ट चार टोली पनि छनोट हुनेछन् ।