झापा– झापामा घरनै भाडामा लिएर यौनधन्दा चलाउने गरेको पाईएको छ ।

दमक–६ को नयाँ तरकारी बजार नजिकैको एक घरमा यस्तो कारोवार हुने गरेको पाईएको हो ।

प्रहरीले त्यस्तो कारोवार गराउने दुई जना महिलालाई नियन्त्रणमा लिएसँगै यस्तो धन्दा हुने गरेको बाहिरिको हो ।

प्रहरीले सो घर खानतलासी गर्दा जवरजस्ती यौनधन्दामा लगाईएका ८ जना महिलाको समेत उद्धार गरेको छ । जिल्ला प्रहरी कार्यालय झापाका अनुसार उद्धार गरिएकाहरुमा १७ देखि ३९ वर्ष उमेर समुहका रहेका छन् ।

कार्यालयका प्रवक्ता, प्रहरी नायव उपपरीक्षक राकेश थापाका अनुसार ती महिलाहरुले मोरङ् पथरीशनिश्चरे ३ की ३८ वर्षीया उर्मिला नेम्वाङ् र ईलाम चुलाचुली ४ की बन्ठि भनिने नन्दिता साँवाले वेश्यावृतीमा लगाएको बताएका छन् ।

उनीहरुलाई आफन्तको जिम्मा लगाईएको छ भने जवरजस्ती वेश्यावृतीमा संलग्न गराएको आरोपमा दुई जनाविरुद्ध मानव वेचविखन मुद्धा दर्ता गरिएको प्रहरीले जानकारी दिएको छ ।