जनकपुरधाम– महोत्तरीमा सातजना किशोरी एकै पटक बेपत्ता भएका छन् । मंगलबार दिउँसो घाँस काट्न गएका सातजना सम्पर्कविहीन भएका हुन् ।

भंगहा–८ स्थित धरमपुरमा घाँस काट्न गएका सातजना परिवारजनसँग सम्पर्कविहीन भएको महोत्तरीका प्रहरी उपरीक्षक दिवेश आचार्यले जानकारी दिए ।

उनका अनुसार सम्पर्कविहीन भएका सबैजना दलित परिवारका हुन्। सम्पर्कविहीन हुनेहरुमा स्थानीय १२ वर्षीय सीमा पासवान, १२ वर्षीय रञ्जन पासवान, १३ वर्षीय ज्योती पासवान, १३ वर्षीय रीया पासवान, ११ वर्षीय अर्चना पासवान, १७ वर्षीय नगीना पासवान र २० वर्षीय अस्मिता पासवान रहेका छन् ।

सम्पर्कविहीन भएकाहरुको खोजी कार्य तीब्र बनाइएको छ । प्रहरीले आसपासको स्थानीयलाई खोजीकार्यमा सहयोग गर्न आग्रहसमेत गरेका छन् । ,

उनीहरु सबै घर नजिकैको चौरमा दिउँसो घाँस काट्न गएको र साँझसम्म घर नफर्किंदा खोजबिन शुरू गरिएको थियो ।