काठमाडौँ– नेपाल कम्युनिस्ट पार्टी (नेकपा) दाहाल-नेपाल समूहले प्रधानमन्त्री केपी शर्मा ओली अब कम्युनिस्ट नरही ‘मठाधीश’ बनेर जनता अल्मल्याउने कुचेष्टामा लागेको आरोप लगाएको छ ।
‘उनी हिज चितवनमा पुगेर राममन्दिर बनाउने, केही दिन अघि पशुपतिनाथमा सवा लाख बत्ती बालेर कम्युनिस्ट आन्दोलन अघि बढाउन नभइ पूजापाठमा लागेका छन, धर्मका कुरा गरेर जनता अल्मल्याउने कुचेष्टा गरिरहेका छन् ,’ माइतीघर धर्नामा सहभागी दाहाल-नेपाल समूहका नेताहरुले भने ।
प्रतिनिधिसभा विघटनविरुद्धको धर्नामा अध्यक्ष पुष्पकमल दाहाल ‘प्रचण्ड’ र माधव नेपाल पनि सहभागी भएका थिए ।
हेरौँ भिडियो
प्रतिनिधिसभा विघटनको विरोधमा पार्टीका संघीय र प्रदेश सांसदहरुले आइतबार काठमाडौँको माइतीघर मण्डलामा धर्ना दिइरहेका छन् ।
धर्नामा नारायणकाजी श्रेष्ठ, अष्टलक्ष्मी शाक्य, पम्फा भुसाल लगायतका नेताहरु पनि सहभागी थिए ।
हेरौँ भिडियो
दाहाल-नेपाल समूहले प्रतिनिधिसभा विघटनविरुद्ध तेस्रो चरणको आन्दोलन कार्यक्रम अन्तर्गत धर्ना दिँदै आएको हो ।
प्रतिक्रिया