मुम्बई(एबीपी लाइभ)– बलिउड अभिनेत्री कटरीना कैफ र अभिनेता विकी कौशलको विवाहको खबरले अहिले निकै चर्चा पाएको छ । उनीहरु यही डिसेम्बरमा वैवाहिक जीवनमा बाँधिदैछन् ।

कटरीनाले आफ्नो विवाहलाई शाही शैलीमा बनाउनका लागि कुनै कसर बाँकी राखेकी छैनन् । तर अहिले उनीहरुको विवाहमा कोरोनाको नयाँ भेरियन्ट ओमिक्रोनको छाया मडारिने देखिएको छ । यहीकारण कटरीनाले ओमिक्रोनको कारण देखाउदै विवाहमा पाहुनाको सूचीलाई छोट्याएकी छन् ।

उनीहरुको विवाहका लागि पाहुनाको सूची लामै भए पनि नयाँ भेरियन्टले त्यो सूचीलाई सानो बनाउन बाध्य बनाएको छ । यो जोडीको विवाहमा बलिउड कलाकार, निर्देशकहरु र फिल्म निर्मातालाई निम्तो पठाइएको छ ।

सोमबार विकी कटरीनाको घर पुगेका थिए । मास्क लगाएर त्यहाँ पुगेका उनी फोनमा निकै व्यस्त थिए । कटरीना र विकीको विवाह राजस्थानको सवाई माधेपुरको सिक्स सेन्स फोर्टमा हुँदैछ ।