खान र गर्न नहुने कुराहरू :

पुरी, हलुवा, कचौडी, समोसा, पिज्जा, बर्गर, चिया, कफी, कोल्ड ड्रिंक्स, राजमा, चना, मुसुरोको दाल, गरम मसला, राजमा, चना, मुसुरोको दाल, चिल्लो, पीरो, अमिलो जस्ता पदार्थहरू मिश्रित परिकारहरू, अचार, चामलको भात, तरकारीमा बैगुन (भन्टा), आलु, गोबीका साथै अन्य गह्रौँ प्रकारका खानेकुराहरू खानुहुँदैन ।

त्यस्तै दही, तात्तातो खाना पनि खानुहुँदैन । धुमपान र मद्यपान पनि गर्नुहुँदैन । मानसिक चिन्ता लिनुहुँदैन ।

खान र गर्न हुने कुराहरू :

बोक्रायुक्त आँटाको रोटी, रेसादार, पात भएका हरिया तरकारीहरू, लौका, परवल, फर्सी, सलाद आदि टुसा उमारिएका गेडागुडीहरू, दाल, चामल र दाल मिलाएर बनाएको सादा खिचडी, ताजा मही, फलफूलमा अनार, किसमिस, अमला, स्याउको साथै अन्य गुलिया र शितल पदार्थहरूको सेवन गर्दै जानुपर्छ । दालमा विशेष गरी मुँगको दालको प्रयोग गर्नु राम्रो हुन्छ ।

यदि पेटमा अन्य रोगहरूले सताएको छ भने अदुवा र कागतीको नियमित सेवन गर्नु हितकर मानिन्छ ।

साभार  : ‘योगाभ्यास तथा घरेलु उपचार विधि’ पुस्तकबाट