काठमाडौँ– संघीय संसदका सांसद तथा कर्मचारीलाई कोरोना विरुद्धको खोप लगाइएको छ ।
बुधबार संसद भवन बानेश्वरमा यसअघि खोप नलाएकालाई भेरोसेल खोपको पहिलो मात्रा र यसअघि कोभिशिल्ड खोपको पहिलो मात्रा लगाइसकेकाहरुलाई दोस्रो खोप लगाइएको हो ।
त्यस्तै यसअघि खोप लगाउन छुटेकाहरुलाई पनि संसद सचिवालयले खोप लगाउने व्यवस्था गरेको थियो । सो क्रममा कर्मचारीले परिवारका सदस्यलाई खोप लाउन ल्याएपछि केहीबेर अन्योल भएको थियो ।
कर्मचारीले आफ्नो नाममा परिवारका सदस्यलाई खोप लगाउन आग्रह गरेका थिए भने केही कर्मचारीका परिवारलाई पनि खोप लगाइएको थियो ।
संसद सचिवालयले भने सांसद तथा कर्मचारीलाई मात्र कोरोना विरुद्धको खोप लगाएको जनाएको छ ।
प्रतिक्रिया