काठमाडौं–गायक, गीतकार तथा संगीतकार बालकृष्ण न्यौपानेको स्वरमा नयाँ गीत ‘प्रशंसा गर्छौ’को भिडियो सार्वजनिक भएको छ । गायक न्यौपानेको स्वर, शब्द तथा संगीतमा तयार भएको गीतको भिडियोमा मोडल सुनील क्षत्री र रेजिना मगरको रोमान्स छ ।

आफ्नो मायालुसँग रोमान्स गरेको कल्पना गर्दै प्रेमको डुबेको दृश्यलाई निर्देशक सुरज श्रेष्ठले कलात्मक शैलीमा भिडियोमा प्रस्तुत गरेका छन् ।

‘प्रशंसा’ एलबममा समावेश गरिएको गीतको भिडियोको सम्पादन अमृत चापागाईले गरेका हुन् । भिडियोमा प्रशान्त मगरले कोरियोग्राफी गरेका छन् ।

दीपक गिरीको छायांकन रहेको भिडियोको निर्माता ठाकुर न्यौपाने र झुमा तिमसिना रहेका छन् । न्यौपाने र तिमसिनाको यो पहिलो सहकार्य हो ।

भिडियो गायक न्यौपानेको आफ्नै च्यानल बिके क्रियशनबाट बजारमा आएको हो । गायक न्यौपानले केही समयअघि मात्रै ‘चञ्चले मन’ गीतको भिडियो सार्वजनिक गरेका थिए ।