काठमाडौँ– तेह्रथुमको तीनजुरे, सङ्खुवासभाको जलजले र ताप्लेजुङको मिल्के क्षेत्रमा यतिबेला लालिगुराँस ढकमक्क फुलेको छ ।

विगतका वर्षहरुमा यो सयमा पर्यटकहरु सो क्षेत्रमा लालिगुराँस फूलेको हेर्न पुग्ने गरेको भए पनि कोरोना महामारीका कारण अहिले ठप्प छ ।

गुराँसको राजधानी भनेर चिनिने सो क्षेत्रमा नेपालमा पाइने ३२ प्रजातिका गुराँसमध्ये २९ प्रजातिका गुराँस पाइने बताइन्छ । ताप्लेजुङको तोक्गोला लगायत तीनजुरे, मिल्के, जलजला क्षेत्रमा सबैभन्दा बढी गुराँस पाइने भएकाले सरकारले संरक्षण गरिरहेको छ ।

सरकारले तीन–जुरे–मिल्के–जलजले (टिएमजे) क्षेत्रलाई गुराँस संरक्षण क्षेत्रको रुपमा घोषणा गरेर संरक्षण गर्दै आएको छ ।

तस्वीर-रासस