काठमाडौँ– नेपालमा पछिल्लो २४ घण्टामा थप ६ हजार २०५ जना कोरोना संक्रमित संक्रमणमुक्त भएका छन् ।
स्वास्थ्य तथा जनसंख्या मन्त्रालयका अनुसार देशभरका विभिन्न अस्पतालमा उपचाररत उनीहरु संक्रमणमुक्त भई डिस्चार्ज भएका हुन् ।
योसहित संक्रमणमुक्त हुनेको संख्या ४ लाख ४० हजार ९५५ पुगेको छ । निको हुने दर ७९.२ प्रतिशत रहेको मन्त्रालयले जनाएको छ ।
सोही अवधिमा कोरोनाले थप १०९ जनाको मृत्यु भएको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा १० हजार ९८६ जनामा पीसीआर परीक्षण गर्दा ३७०२ र १७८४ एन्टिजेन परीक्षणमा ६६७ जना गरी ४ हजार ३६९ जनामा संक्रमण पुष्टि भएको हो ।
प्रतिक्रिया