नयाँ दिल्ली– भारतका एकजना चर्चित सञ्चारकर्मी रोहित सरदानाको कोरोना भाइरसको संक्रमणका कारण निधन भएको छ । सरदनामा १० दिनअघि कोरोना संक्रमण पुष्टि भएको थियो ।
उनलाई कोरोना देखिएपछि भेन्टिलेटरमा राखेर उपचार थालिएको थियो । उनी टेलिभिजन च्यानल आजतकमा कार्यरत थिए । उनको उपचारकै क्रममा आज हृदयघात भएर निधन भएको भारतीय सञ्चार माध्यमले जनाएका छन् ।
सरदानाको निधनको खबरपछि यतिबेला भारतीय पत्रकारिता गहिरो शोकमा डुबेको छ । शुक्रबार कोभिड-१९ संक्रमणले निधन भएका सरदानाप्रति राष्ट्रपति, प्रधानमन्त्रीदेखि पत्रकारिता क्षेत्रका व्यक्तिहरु, बलिउड र सर्वसाधारणले दुःख व्यक्त गरेका छन् ।
Rohit and I had differing political views but always enjoyed debating without any rancour. We did a show one night that finished at 3 am (think it was SC verdict on Karnataka) after which he said, ‘boss aaj maza aa gaya!’ He was a passionate anchor journalist. RIP Rohit Sardana.
— Rajdeep Sardesai (@sardesairajdeep) April 30, 2021
आजतक टेलिभिजनकी कार्यकारी सम्पादक अञ्जना ओम कश्यपले सहकर्मीको मृत्युको समाचार पढ्दा आफूलाई सम्हाल्न सकिनन् ।
यस्तो छ भिडियो
न्यूजरुममा वर्षौं बिताएको, हाँसखेल गरेको र थुप्रै न्यूजहरु स्कुप हानेको लगायतका स्मरण गर्दै कश्यपले आफ्नै सहकर्मी रोहित सरदानाप्रति श्रद्धासुमन व्यक्त गरेकी छिन् ।
यसैगरी उनको निधनलाई लिएर जी-न्यूज प्रधानसम्पादक सुधीर चौधरीले लेखेका छन्, ‘थोरै पहिले मलाई हाम्रा क्राइम रिपोर्टरको फोन आयो । उसले भनेको कुरा सुन्दा मेरो हात काँप्यो । हाम्रा मित्र तथा सहयोगी रोहित सरदानाको मृत्यु थियो । यो भाइरसले हामी नजिकको कसैलाई उठाएर लैजान्छ भन्ने कुरा कल्पना बाहिरको थियो । यसका लागि म तयार थिइँन । भगवानको यो अन्याय थियो । ओम शान्ति ।’
Rest in peace Rohit. 🙏💐 https://t.co/Imv8aBqD5L
— Sudhir Chaudhary (@sudhirchaudhary) April 30, 2021
४१ वर्षीय पत्रकार सरदानालाई कुम्भ मेलामा रिपोर्टिङमा जाँदा कोरोना संक्रमण भएको भारतीय सञ्चार माध्यमले जनाएका छन् ।
प्रतिक्रिया