मोरङ- नेकपा माओवादी केन्द्रको प्रदेश- १ संसदीय दलले एमालेमा लागेका प्रदेश मन्त्री टङ्क आङ्बुहाङलाई प्रष्टीकरण सोधेको छ ।

प्रदेश १को माओवादी केन्द्रको संसदीय दलको नेतासमेत रहेका आङ्बुहाङ एमालेमा लागेर प्रदेश १ को आर्थिक मामिला तथा योजना मन्त्री पाएका थिए ।

माओवादी केन्द्रले सोधेको स्पष्टीकरण पत्रमा नेकपा एमालेको केन्द्रीय कमिटी बैठकमा सहभागी भएको र वर्तमान सरकारमा सहभागी भएको विषयलाई जोड्दै तपाईंलाई किन कारबाही नगर्ने भनी प्रश्न सोधिएको छ ।

२४ घण्टाभित्र ‘जवाफ नआए पनि कारबाही गरेर संसदलाई जानकारी गराउने चेतावनी पनि दिइएको छ ।

तत्कालीन नेकपा संसदीय दलका उपनेता रहेका ताप्लेजुङ ‘ख’ बाट निर्वाचित टङ्क आङ्बुहाङ नेकपा एमाले प्रवेश गरेका थिए ।