चितवन– भरतपुर महानगरपालिकाकी प्रमुख रेनु दाहालले सिटी हल र ६ लेन पूलचोक-गोन्द्राङ सडक महानगरलाई थाहै नदिई शिलान्यास गरिनु दुःखद भएको बताएकी छिन् ।

शनिबार प्रधानमन्त्री केपी शर्मा ओलीले महानगरलाइ थाहै नदिई सिटी हल र ६ लेन पूलचोक गोन्द्राङ सडक शिलान्यास गरिनु दुःखद भएको मेयर दाहालले बताएकी हुन् ।

कुँवर समाज नेपाल चितवन शाखाद्वारा निर्मित राष्ट्रिय विभूति बलभद्र कुँवरको पूर्ण कदको सालिक अनावरण समारोहलाई सम्बोधन गर्दै उनले यस्तो बताएकी हुन ।

उनले प्रश्न गरिन, ‘प्रधानमन्त्री ओली एक दिन सुटुक्क आएर ढुंगा पूजा गर्दैमा सिटी हल र ६ लेन सडक निर्माण हुन्छ ?’

उनले भरतपुर महानगरको परिकल्पना र स्वामित्वमा तीन वर्ष लामो गृहकार्यपछि सिटी हल निर्माणको कामले गति लिएको बताए ।

राजनीतिक दाउपेचका आधारमा विकास निर्माणलाई लिनु गलत भएको भन्दै मेयर रेनुले विकास त लामो प्रयास र निरन्तरताले मात्र सम्भव हुने बताइन् ।

शिल्यान्यास कार्यक्रममा दाहाल अनुपस्थित भएपछि ओलीले मेयर दाहाल ‘पिकनिक खान’ गएर कार्यक्रममा सहभागी नभएको भन्दै व्यंग्य गरेका थिए ।