दिल्ली– बलिउड अभिनेत्री करीना कपूर खान र सैफ अली खान पूनः नयाँ सन्तानको अभिभावक बन्ने भएका छन् । उनीहरु पूनः एक पटक आमाबुवा बन्दै छन् । करीना कपूर खानले आगामी फेब्रुअरीमा अर्को सन्तानलाई जन्म दिने सैफ अली खानले जानकारी दिएका छन् ।

सैफ अली खान ’फिल्मफेयर’सँग कुरा गर्दै करीना दोस्रो पटक आमा बन्न लागेको जानकारी दिएका हुन् । उनले आउने सन्तानले घरमा थप खुसी ल्याएको भन्दै अर्को जिम्मेवारीकालागी आफू तयार रहेको बताएका थिए । यसअघि करीना र सैफको पहिलो सन्तान छोरा तैमूर अली खान रहेका छन् ।

पछिल्ला दिनमा सैफ ताण्डव वेब सीरीजमा देखा परेका थिए । यसअघि उनले ’तान्हाजी द अनसंग वारियर’मा काम गरेका थिए । त्यस्तै करीना समेत यहि बर्ष लाल सिंह चड्डामा देखा पर्नेछिन् ।