मुम्बई(अमर उजाला)– बलिउड अभिनेता अर्जुन कपूर र अभिनेत्री मलाइका अरोडा सार्वजनिक रुपमा आफ्नो सम्बन्धमा बारे केही नबोले पनि सामाजिक सञ्जालमा भने उनीहरु एकअर्काको प्रेम प्रदर्शन गरिरहन्छन् । तर यो जोडीलाई मनपराउने उनीहरुको फ्यानका लागि एउटा दुःखको खबर छ । हालैमात्र यो जोडीबीच ठूलो झगडा भएको छ । जसकारण मलाइका अर्जुनप्रति निरास बनेकी छन् ।

हालैका दिनमा महाराष्ट्रमा फिलम हल खुलेपछि फिल्मको काम तिब्र रुपले अघि बढिरहेको छ । कैयौं महिनादेखि धिमा चलिरहेको फिल्मको कामले अहिले तिब्रता पाएको छ । अर्जुन कपूरले हालैमात्र मोहित सुरीको फिल्म ‘एक भिलेन रिटर्न्स’को सुटिङ पुरा गरेका थिए ।

यो फिल्मको काम सकिएपनि अर्जुनलाई फुसर्द मिलेको छैन । उनी कैयौं प्रोजेक्टको सुटिङमा व्यस्त छन् । जसकारण उनी क्रिसमस र नयाँवर्षमा पनि व्यस्त नै हुनेछन् । यस्तो अवस्थामा उनले मलाइकासँग नयाँवर्षको खुशी साट्न पाउनेछैनन् ।

गत दिवाली अर्जुन र मलाइकाले सँगै मनाएका थिए । उनीहरुले तिहारलाई पनि त्यसरी नै मनाएका थिए । मलाइका क्रिसमस र नयाँ वर्षको खुशियाली अर्जुनका साथ मनाउन चाहन्छिन् । तर व्यस्त समय तालिकाले अर्जुनले मलाइकालाई समय दिन नपाउने भएका छन् ।

अर्जुनले समय दिन नपाउने निर्णय लिएपछि मलाइका अर्जुनसँग रिसाएकी छन् । अभिनेता सलमान खानका भाई अरबाज खानसँग १९ वर्षको वैवाहिक सम्बन्धलाई तोडेपछि मलाइकाले सन् २०१७ देखि अर्जुनसँग डेट गरिरहेकी छन् ।