दार्चुला- भारतीय आर्थिक सहयोगमा दार्चुलामा निर्मित दुई विद्यालय भवन सञ्चालनमा आएको छन् ।

तिंकरमा निर्मित मोती महिला संघ प्राथमिक विद्यालय र हाकाली–७ धापमा निर्मित मालिकार्जुन नमुना माध्यमिक विद्यालय भवन सञ्चालनमा आएका हुन् ।

भारत सरकारको ३ करोड ६० लाख आर्थिक सहयोगमा निर्मित ती विद्याय भवनको आइतबार भारतीय राजदूतावासका नियोग उप–प्रमुख नामग्य सी. खम्पा, जिल्ला समन्वय सिमिति दार्चुला, विद्यालय व्यवस्थापन समिति र स्थानीय प्रतिनिधिहरुले संयुक्त रूपमा उद्घाटन गरेसँगै सञ्चालनमा पनि आएका छन् ।

मोती महिला संघ प्राथमिक विद्यालयमा ३९१ विद्यार्थी मध्ये ५० प्रतिशत छात्रा रहेका छन् । यस नवनिर्मित भवनले ग्रामीण क्षेत्रको सिकाई वातावरणलाई सुधार पुग्ने अपेक्षा गरिएको छ ।

सन् २००३ यता भारतले नेपालमा ५२३ भन्दा बढी उच्च प्रभाव सामुदायिक विकास परियोजनाहरु अघि बढाइसकेको छ । हालसम्म ४५९ वटा परियोजनाको निर्माण सम्पन्न भइसकेको छ जसमध्ये दार्चुला जिल्लाका ६ गरी सुदूरपश्चिम प्रदेशमा ३२ वटा रहेका छन् ।