काठमाडौँ- नेपाल बार एशोसिएन परिषरभित्रै कुटाकुटपछि अभिवक्ता भूमिनन्द चुडालले प्रधानन्यायाधीश चोलेन्द्र शम्शेर जबरा रातन्त्रको खम्बा भएको बताएका छन् ।

चुडालले बार गैरसंवैधानिक भएको आरोप लगाउँदै प्रधानन्याधीश जबरालाई कसैले हटाउन नसक्ने पनि बताए । बार निकट व्यक्तिहरुले आफूहरुलाई अन्याय गरेको उल्लेख गर्दै उनले आफूलाई कुट्दा पनि बार रमिता हेरेर बसेको बताए ।

उनले यो व्यबस्थाको अन्त्य गर्न आफू  रगत बगाउँन तयार रहेको बताउँदै भने,’ राजतन्त्र आउँनैपर्छ, राजतन्त्र नल्याई छोड्दै छोड्दीन ।’

चुडालले कानूनी प्रक्रियामा जाने बताएका छन् । उनका अनुसार मिडियालाई अन्तरवार्ता दिइरहेका बेला न्यौपानेले कुटपिट गरेका हुन् ।

‘मैले इजलास नचल्दा सेवाग्राहीलाई सास्ती भयो भनेर अन्तर्वार्ता दिइरहेको थिएँ,’ उनले भने, ‘एक्कासि ममाथि कुटपिट भयो, बारकै इशारामा कुटपिट भएको आशंका छ ।’  चुडालले इजलास चल्नुपर्नेमा जोड दिँदै न्यायालय बन्धक हुँदा अधिवक्ता समस्यामा परेको बताए ।

उनले यो अभिव्यक्ति दिन अघि अर्का अधिवक्ता विराट न्यौपानेसँग हात हालाहाल भएको थियो ।

भिडियोमा हेर्नुहोस् हालहाल