मुम्बई(बलिउड हंगामा)– फिल्मका अलावा डिजिटल प्लेटफर्मबाट पनि आफ्नो अभिनय कला देखाएका अभिनेता नवाजुद्दीन सिद्दीकीले डिजिटल प्लेटफर्म छोड्ने घोषणा गरेका छन् । अर्थात् नवाजुद्दीन भविष्यमा वेब सिरिजमा देखिने छैनन् । डिजिटल प्लेटफर्मले दिनानुदिन आफूलाई मजबुत बनाइरहँदा नवाजुद्दीन भने यो विकासबाट खुशी छैनन् ।

‘निरर्थक शोका लागि वास्तवमा अब ओटीटी प्लेटफर्म एक डम्पिङ ग्राउण्ड बनेको छ । यो प्लेटफर्ममा यस्ता यस्ता शो आइरहेका छन्, जो पहिलो पटक नै हेर्न लायक थिएनन् वा फेरी पनि तिनीहरुको सिक्वेल आइरहेका छन्, हुन हेर्न लायक केही छैनन्’, उनले भनेका छन् ।

उनले आफूले नेटफ्लिक्सका लागि ‘सेक्रेड गेम्स’मा काम गर्दा डिजिटल प्लेटफर्मममा धेरै कुरा रहेको दाबी गरेका छन् । ‘नयाँ प्रतिभालाई मौका दिइरहेको थियो । तर अब त्यो ताजापन हराएको छ । यो अब ठूलो प्रोडक्सन हाउस र कलाकारका लागि धन्दा बनेको छ । जो अब ओटीटी प्लेटफर्ममा तथाकथित स्टार बनेका छन्’, उनले भनेका छन् ।

नवाजको बुझाईमा ओटीटी असहनीय छ । उनले आफूले ओटीटीलाई हेर्न नसकिरहँदा त्यस्तो प्लेटफर्ममा कसरी काम गर्नसक्छु भनेर प्रश्न गरेका छन् ।