आज बुधाष्टमी व्रत । बुधाष्टमी व्रतका दिन बिशेषत भगवान शिव पार्वतीको अर्चना गर्ने चलन रहेको छ । यस दिनको व्रतको विशेष महत्व रहेको छ ।

हिन्दू धर्म ग्रन्थमा उल्लेख व्रत संस्कार मध्ये एक बुधाष्टमी शुक्ल अष्टमीमा पर्ने बुधवारका दिन पर्ने गर्दछ । यस दिन व्रत बस्नाले मृत्यूपछि नर्क जानु नपर्ने मान्यता छ ।

आजका दिन बुध ग्रहसमक्ष भक्तहरुले आफ्ना भावना र कामनाहरु राख्ने चलन हुन्छ । यस अर्थमा पनि यो दिनलाई  बुधाष्टमी भनिएको हुनसक्छ ।

यस दिन बुध ग्रहलाई विशेष नैवेध अर्पण गरिन्छ । साथै पूजा सकिएपछि मात्र यि नैवेधहरु लगायत प्रसादीहरु वितरण गर्न र भोजन गर्न दिइन्छ । यसका अलावा भगवान बुद्धको धातुमा अकिंत प्रतिमामा पनि अर्चना गर्ने चलन पनि आजका दिनमा पाइन्छ ।

बुद्ध अष्ठमी व्रतका महिमाहरु ब्रह्माण्ड पुराणमा पाइन्छ । बुध ग्रहको दोष भएका मान्छेहरुकालागि यस दिनको व्रतले विशेष फल दिने धार्मीक मान्यता छ ।