काठमाडौँ— अमेरिकाले आफ्ना नागरिकलाई तत्काल भारत छोड्न भनेको छ ।
भारतमा तीव्र रुपमा कोरोना भाइरस संक्रमण फैलिँदै गएको भन्दै अमेरिकाले एक एड्भाइजरी जारी गरेको हो ।
भारतमा कोरोना महामारीको संकट गम्भीर अवस्थामा पुगेको र स्वास्थ्य उपचारको सेवा समेत प्रभावकारी बन्न नसकेको अमेरिकाले जनाएको छ ।
अमेरिकी राष्ट्रपति जो बाइडेनले कोरोनासँग लड्नका लागि भारतलाई थुप्रै किसिमको सहयोग गर्ने घोषणा पनि गरेका छन् । यद्यपि, अमेरिकाले आफ्ना नागरिकका लागि यस किसिमको एड्भाइजरी जारी गरेको हो ।
अमेरिकी विदेश मन्त्रालयले स्वास्थ्य सतर्कता सम्बन्धी सूचना जारी गर्दै भारतमा कोरोनाको नयाँ भेरिएन्ट तथा यसबाट भइरहेको मृत्युको तथ्यांकले हरेक दिन रकर्ड तोडेको र परीक्षणको सुविधा पनि सीमित रहेको जनाएको छ ।
एड्भाइजरीमा भनिएको छ, ‘कोभिडको बढ्दो संक्रमणका कारण स्वास्थ्य सुविधा नाजुक अवस्थामा पुगेको छ । त्यसैले अमेरिकी नागरिक भारतबाट आउने हवाइ उडानमार्फत सिधैँ स्वदेश फर्किनू ।’
सिधैँ उडानमार्फत अमेरिका फर्किन भन्दै अमेरिकाले पेरिस र फ्रान्कफ्रुट हुँदै पनि फर्किन सकिने जनाएको छ ।
#India: Access to medical care is severely limited due to COVID-19 cases. U.S. citizens wishing to depart should use available commercial options now. Daily direct flights to the US and flights via Paris and Frankfurt are available. https://t.co/p5a3v5ws9y pic.twitter.com/LqHhCiZVEg
— Travel – State Dept (@TravelGov) April 28, 2021
प्रतिक्रिया