झापा- पूर्वपश्चिम राजमार्गको दमक- ९ स्थित चियादोकान नजिकको भित्री सडकमा आज विहान शंकास्पद बस्तु फेला परेको छ ।

एउटा टिनको बट्टामा तार बाँधेर सडकमा फालिएको अवस्थामा सो शंकास्पद बस्तु भेटिएपछि सेनाको सहयोगमा उक्त बस्तुलाई निस्क्रिय पारिएको इलाका प्रहरी कार्यालय दमकका प्रहरी नायव उपरीक्षक नवराज कार्कीले वताए ।

उनका अनुसार त्यस शंकास्पद बस्तुलाई तोपागाछीस्थित नेपाली सेनाको बम डिस्पोजल टोलीले विहान ९ वजे निस्क्रिय बनाएको हो ।

विहानै शंकास्पद बस्तु देखिएपछि त्यस आसपासका बासिन्दाहरु त्रसित भएका थिए ।  तर त्यहाँ टिनको बट्टामा ढुंगा हालेको पाइएको छ ।

घटनास्थलमा नेकपा विद्रोही समूहको पर्चा टासिएको र अमेरिकी सहयोग एमसीसीको विरोध गरिएको उल्लेख छ ।

बम भनेर त्रसित बनाउने समूहको खोजी भइरहेको प्रनाउ कार्कीले वताए ।