वीरगञ्ज – पर्सा जिल्लाका नेपाली कांग्रेस महासमिति सदस्यको कोरोना संक्रमणका कारण ज्यान गएको छ ।
पर्साको सखुवाप्रसौनी गाउँपालिकाको कौवाबनकटैया निवासी साबिर हुसैनको कोरोना संक्रमणका कारण मृत्यु भएको हो । फागुन २२ गते वीरगञ्जस्थित नारायणी अस्पतालको पीसीआर प्रयोगशालामा गरिएको परिक्षणमा हुसैनको रिपोर्ट पोजेटिभ आएको थियो ।
हप्ता दिनसम्म वीरगञ्जको एड्भान्स मेडिकेयर हस्पिटलमा उपचार गरेपनि कुनै सुधार नभएपछि थप उपचारका लागि काठमाडौँ रिफर गरिएको थियो ।
थप उपचारको क्रममा ललितपुरस्थित पाटन अस्पतालमा सोमबार दिउँसो ३ बजेतिर हुसैनको निधन भएको नेपाली कांग्रेस पर्साका सचिब श्याम पटेलले जानकारी दिए ।
प्रतिक्रिया