काठमाडौँ- आधुनिक जीवनशैलीमा प्रत्येक व्यक्ति यति हतारमा हुन्छन् कि जसले गर्दा कहिलेकाहीँ केही घटनाहरु घट्न जान्छन् । जसले गर्दा परिवारमा विपत्तिहरु आउँदछन् । त्यसैले केही सावधानिक तथा घरेलु औषधीले ठूलो खर्च हुनबाट बचाउन सक्छ । आकस्मिक रोगमहरुमध्ये पोल्नु वा जल्नु पनि एक महत्वपूर्ण मानिन्छ । यस रोगको घरेलु औषधु निम्नानुसार छ –

—घ्युकुमारीको ताजा गुदीमा हलेदो मिलाई जलेको ठाउँमा लगाउनाले आराम मिल्दछ ।

—काँचो दूधमा नरिवलको तेल मिलाई पोलेको ठाउँमा लगाउनाले तुरुन्तै आराम मिल्छ ।

—निमको पातलाई जलाई त्यसमा मह मिलाएर पोलेको ठाउँमा लगाउनाले आराम मिल्छ ।

—चन्दनको तेल र माटो मिलाई पोलेको ठाउँमा लगाउनाले घाउ निको हुन्छ ।

—तुलसीको पातलाई माटोमा मिलाई पिसेर जलेको ठाउँमा लगाउनाले लाभ मिल्छ ।

—जलेको स्थानलाई सफा राख्नु जरुरी हुन्छ त्यसैले नियमित धुनुहोस् ।

—पोलेको स्थानमा लसुनको तेल लगाउनाले किटाणु उत्पनन हुन पाउँदैन ।

साभार : ‘मेरो डाक्टर’ पुस्तकबाट