आलुका परिकार निकै स्वादिष्ट मानिन्छन् । यसमा पोषण पनि पर्याप्त मात्रामा पाइन्छ । तर खानका अलावा आलुका अन्य धेरै उपायोग छन् । आलुमा प्राकृतिक ब्लिचिङ एजेन्ट हुने भएकाले यसले छालाको रङलाई निखार्न मद्दत गर्दछ ।

आलुको प्रयोगले छालाको दाग धब्बालाई हटाउनेदेखि अनुहारको रंगमा समेत निखार ल्याउँछ । आलुमा एन्टीएजिङ गुण हुन्छ जसले छाला चाउरीनबाट बचाउन सहयोग गर्दछ ।

आलुको फाइदा 

– एउटा आलुको रसमा अण्डाको सेतो भाग मिसाएर अनुहार र गर्धनमा लगाउने र २० मिनेटपछि पानीले धुँदा छाला चाउरी पर्नबाट जोगाउँछ।

– एउटा आलुलाई कोरेसोमा कोर्ने र यसमा एक चिम्टी बेसारको धुलो मिसाएर अनुहारमा लगाउँदा छालाको रंग गोरो हुँदै जान्छ ।

– आलुको एउटा स्लाइसमा केही थोपा पानी हालेर यसलाई अनुहारमा पाँच मिनेटसम्म बिस्तारै दलेमा अनुहारको दाग धब्बा हटेर जान्छ ।

– एउटा आलुको रसमा केही थोपा कागतीको रसको मिसाएर अनुहार र हातमा १० मिनेटसम्म लगाउँदा अनुहारको चमक बढ्दछ ।

– आलुलाई पिसेर यसमा मुल्तानी माटो र गुलाब जल मिसाएर अनुहारमा लगाउने र सुकेपछि धुने । नियमित यसो गरे अनुहारको निखार बढ्छ ।

– आलुको रसमा काँचो दूध मिसाएर छालामा लगाएर २० मिनेटमा धोए छाला गोरो हुन्छ ।

– एउटा आलुलाई टुक्रा पारेर यसलाई आँखाको मुनीको डार्क सर्कलमा पाँच मिनेटसम्म राखेमा डार्क सर्कल हट्छ ।

– आलु पिसेर काँचो दूध र बदामको तेल मिसाइ छालामा लगाउँदा छाला नरम हुन्छ ।

– आलुको रसमा २ चम्चा कागतीको रस मिसाएर अनुहारमा लगाउने आधा घण्टापछि धुँदा अनुहारको रंग निखार्छ ।

– एउटा कोरेसोमा कोरेको आलुलाई दहीमा मिसाएर अनुहारमा लगाउँदा छाला गोरो हुन्छ ।