धुलिखेल- काभ्रेको धुलिखेल नगरपालिका स्थानीय स्काउटका संरक्षक, प्रमुख स्काउट र सदस्य सचिवको दीक्षान्त एवं पद तथा गोपनीयताको सपथ ग्रहण समारोह सम्मपन्न भएकोछ । पालिकाका प्रमुख, उपप्रमुख र शिक्षा शाखा प्रमुखलाई नेपाल स्काउटका राष्ट्रिय संयोजक लोक बहादुर भण्डारीले स्काउट दीक्षान्त एवं पद तथा गोपनीयताको सपथ ग्रहण गराए ।

समारोहमा आफ्नो मन्तव्य राख्दै धुलिखेल नगरपालिका स्थानीय स्काउटका संरक्षक, तथा नेपाल नगरपालिका संघका अध्यक्ष अशोक कुमार (ब्यांजु) श्रेष्ठले धुलिखेल नगर स्काउटलाई नेपाल भरिकै नमुना नगर स्काउट बनाउन कुनै कसर बाँकी नाराख्ने बताए ।

नेपाल स्काउटका राष्ट्रिय संयोजक लोक बहादुर भण्डारीले स्थानीय सरकारको प्रतक्ष्य संग्लग्नतामा विश्व स्काउटको भिजन २०२३ को लक्ष्य पूरा गर्न नेपाल स्काउटले उल्लेखनीय भूमिका खेल्ने बताए । कार्यक्रममा धुलिखेल नगरपालिका स्थानीय स्काउटका प्रमुख स्काउट, नेपाल स्काउटका निर्देशक, बागमती प्रदेशका संयोजक लगायतको उपस्थिति रहेको थियो ।