काठमाडौँ– गत महिना कोभिड १९ संक्रमण हुने मध्ये ८० प्रतिशतलाई कोरोना भाइरसको डेल्टा भेरियन्ट भएको पुष्टि भएको छ । कोभिड १९ संकट व्यवस्थापन केन्द्र (सीसीएमसी)ले गत जुलाई महिनामा नेपालमा पुष्टि भएका कूल संक्रमितमध्ये ८० प्रतिशतमा डेल्टा भेरियन्ट भेटिएको पुष्टि गरेको छ ।

सीसीएमसीले शनिबार जारी गरेको सूचनामा कोभिड १९ को डेल्टा भेरियन्टको लक्षणहरु अन्य भेरियन्ट जस्तै हुने उल्लेख गरिएको छ । तर डेल्टा भेरियन्टले युवाहरुलाई छिटो सिकिस्त पारेको सीसीएमसीले जनाएको छ ।

डेल्टा भेरियन्ट पुष्ट भएका मध्ये ९७ प्रतिशतले कोभिड १९ विरुद्धको खोप नलगाएकोसमेत सीसीएमसीको सूचनामा जनाइएको छ । विश्व स्वास्थ्य संगठन (डब्ल्यूएचओ)ले डेल्टालाई संक्रामक भाइरसको सूचीमा राखेको छ । डेल्टा भेरियन्ट अन्य भेरियन्टभन्दा छिटो फैलिनेसमेत विभिन्न अध्ययनहरुले देखाएको छ ।