काठमाडौँ- ब्राह्मण एकता समाजका नाममा सामाजिक सञ्जालमा ‘फेक आइडी’ बनाएर समाजिक सद्भाव खलबल्याएको तथा चरित्र हत्या गरिएको भन्दै  कारबाहीका लागि नेपाल प्रहरीको साइबर ब्यूरोमा उजुरी परेको छ ।

ब्यूरोका एसएसपी नविन्द अर्यालका अनुसार नेपाली काँग्रेस बैतडीका १५ जना नेताका तर्फबाट जनक भट्टले काठमाडौंस्थित साइबर ब्यूरोमा आइतबार उजुरी दिएका हुन् ।

केही दिनदेखि काँग्रेससम्बद्ध व्यक्तिहरुको नाम र तस्वीर सामाजिक सञ्जालमा राखि ब्राह्मण एकता समाज बैतडी नामको फेक आइडीबाट आफ्नो व्यक्तिगत प्रतिष्ठामाथि आँच आउने काम गरिएको भट्टद्वारा दर्ता गराइएको उजुरीमा उल्लेख छ ।

जातीय, धार्मिक र सामाजिक सद्भाव खलबल्याउने पोस्ट गरिने गरिएको भन्दै उजुरीमा कारबाहीको माग गरिएको छ ।