काठमाडौँ– संसद विघटनसम्बन्धी मुद्दामा आज केही आदेश दिइएको छैन । यो मुद्दा सर्वोच्च अदालतको संवैधानिक इजलासले आइतबारका लागि ‘हेर्दाहेर्दै’मा राखेको छ।

आजदेखि शुरु भएको संसद विघटनसम्बन्धीको मुद्दा सुनुवाइपछि कुनै आदेश नदिई ‘हेर्दाहेर्दै’मा राखेको हो।

प्रधानन्यायाधीश चोलेन्द्र शमशेर जबराको नेतृत्वको संवैधानिक इजलासमा आजदेखि सुनुवाइ शुरु भएको हो ।

प्रधानन्यायाधीश जबराले आफ्नो नेतृत्वमा न्यायाधीशहरु दीपक कार्की, आनन्दमोहन भट्टराई, तेजबहादुर केसी र बमकुमार श्रेष्ठ सदस्य रहेको इजलास गठन गरेका थिए।

संवैधानिक इजलासमा दर्ता भएका ११ तथा संविधानको धारा ७६ (५) अनुसारको प्रधानमन्त्री नियुक्तिमा प्रक्रिया नपुगेको भन्दै परेका अन्य १९ रिटमाथि संवैधानिक इजलासमा बहस शुरु भएको हो।