काठमाडौँ– नेपाल सुपर लिगमा पोखरा थन्डर्सले पहिलो जित हासिल गरेको छ ।
बुधबार त्रिपुरेश्वस्थित दशरथ रंगशालामा भएको खेलमा पोखराले विराटनगर सिटी एफसीलाई १-० गोल अन्तरले पराजित गरेको हो ।
खेलको ८३ औँ मिनेटमा नवयुग श्रेष्ठले गरेको एक मात्र गोल निर्णायक बनेको थियो । उनले मोसा अब्बाको फ्रिकिकमा हेडमार्फत उत्कृष्ट गोल गरेका थिए । जितसँगै पोखराले २ खेलबाट ३ अंक जोडेको छ । उसले पहिलो खेलमा बुटवल लुम्बिनी एफसीसँग २-० को पराजय बेहोरेको थियो । विराटनगरले पनि २ खेलबाट ३ अंक जोडेको छ । उसले पहिलो खेलमा धनगढी एफसीलाई ३-० ले हराएको थियो ।
प्रतिक्रिया