काठमाडौँ– कर्णाली प्रदेशसभाको बैठक अनिश्चितकालका लागि स्थगित भएको छ ।
बुधबार बसेको बैठकमा प्रमुख प्रतिपक्षी दल एमालेले कोरोना महामारीको समयमा बैठक बस्न औचित्य नभएको भन्दै बैठक स्थगित गर्न माग गरेको थियो ।
बैठकको सुरुमा एमाले संसदीय दलका प्रमुख सचेतक गुलाबजंग शाहले कोरोनाले जनताले दुःख पाइरहेको बेला सदन बस्न औचित्य नहुने भन्दै बैठक स्थगित गर्न माग गरे । त्यसपछि एमालेका सबै सदस्यहरुले बैठक स्थगित गर्न माग गरेका थिए ।
प्रमुख प्रतिपक्षी दलको लगातारको अवरोध पछि सभामुख राजबहादुर शाहीले अनिश्चितकालका लागि बैठक स्थगित गरेको जानकारी दिएका थिए ।
प्रतिक्रिया