भक्तपुर- मध्यपुरथिमि नगरपालिका–१ लोकन्थली–कोटेश्वर जाने सडकखण्डमा सवारी साधनको ठक्करबाट एक पुरुषको मृत्यु भएको छ ।
उनको मृत्यु दुर्घटनाबाट भएको प्रारम्भिक अनुसन्धानबाट खुले पनि ठक्कर दिने सवारीको अझै पहिचान भएको छैन । मृतकको समेत सनाखत हुन सकेको छैन ।
महानगरीय प्रहरी परिसर भक्तपुरका प्रहरी नायब उपरीक्षक दीपक गिरीका अनुसार आफन्तको पहिचानको प्रयास भइरहेको छ ।
अन्दाजी ५० वर्षीय पुरुषको साथमा परिचय खुल्ने कुनै पनि कागज नभेटिएकाले मृतकको पहिचान हुन नसकेको उनले बताए ।
कालो धर्के सर्ट, कालो ट्राउजर र खैरो जुत्ता लगाएका उनको पैदल हिँड्ने क्रममा आज बिहान सवारी साधनले ठक्कर दिँदा मृत्यु भएको प्रहरीको आकलन छ ।
प्रतिक्रिया