काठमाडौँ– नेकपा (एकीकृत समाजवादी) पार्टीले वर्तमान गठबन्धन सरकारमा सहभागी हुने निर्णय गरेको छ । आज (शुक्रबार) बसेको स्थायी कमिटी बैठकले सरकारमा जाने निर्णय गरेको हो ।

एकीककृत समाजवादी पार्टीका अध्यक्ष माधवकुमार नेपाल, वरिष्ठ नेता झलनाथ खनाल, मुकुन्द न्यौपाने, डा.बेदुराम भुषाल र प्रमेश हमाल रहेको स्थायी कमिटीको बैठकले सरकारमा जाने निर्णय गरेको हो ।

बैठकले सरकारमा सहभागी हुने निर्णय गरेपनि मन्त्रालयको टुंगो नलागेको हुँदा नाम पनि पछि टुंगो लगाउने बैठकमा सहभागी एक नेताले जानकारी दिए ।

पाँच दलीय गठबन्धन भित्र काँग्रेसले ७, एकीकृत समाजवादी, नेकपा (माओवादी केन्द्र), जनता समाजवादी पार्टी (जसपा)ले ६/६ मन्त्रालय लिने सहमति यस अघि नै भइसकेको छ ।

बुधबार मात्रै निर्वाचन आयोगले एकीकृत समाजवादी पार्टीलाई दर्ता गर्दै नयाँ दलको मान्यता दिएको थियो ।