काठमाडौँ– काठमाडौंस्थित अमेरिकी राजदूत र्‍याण्डी बेरीले विहीबार अफगानिस्तानको राजधानी काबुलमा भएको आत्मघाति विस्फोटप्रति दुःख व्यक्त गरेका छन् ।

शुक्रबार एक वक्तव्य जारी गर्दै राजदूत बेरीले यो दुःखको समयमा काठमाडौंस्थित दूतावास अफगान नागरिकको साथमा रहेको बताएका छन् । उनले सो बम विस्फोटमा १३ जना अमेरिकी सेनासहित अफगानी नागरिक मारिएकोमा दुःख व्यक्त गरेका छन् । उनले ज्यान गुमाउनेहरुप्रति समवेदना प्रकटसमेत गरेका छन् ।

वक्तव्यमा बेरीले अफगानिस्तानबाट करिब ८ सय नेपालीको उद्धारमा खटिएको अमेरिकी सेनाकोसमेत स्मरण गरेका छन् । यो कठिन अवस्थामा पनि अमेरिकी सेनाले अभूतपूर्व काम गरेको बताएका छन् । राजदूत बेरीले मानवता, स्नेह र मायाले नै विश्वलाई एक बनाउने बताएका छन् ।