काठमाडौँ– जगदम्बा मोटर्सले प्रोटोन एक्स७० मोडलको गाडी नेपालमा सार्वजनिक गर्ने भएको छ ।
प्रोटोन मलेसियन अटो मोबाइल कम्पनी हो । प्रोटोनका लागि नेपालमा जगदम्बा मोटर्सले ल्याउन लागेको हो । कम्पनीले असार १६ गते भर्चुअल माध्यमबाट सार्वजनिक गर्ने जनाएको छ ।
यसअघि नै गाडी सार्वजनिक गर्न खोजिए पनि दोस्रो चरणको कोरोना भाइरसले नेपालमा निम्त्याएको असहज परिस्थिति तथा लकडाउनका कारण रोकिएको थियो ।
भर्चुअल लन्च कार्यक्रममा सहभागिता जनाएमात्र पनि जगदम्बा मोटर्सले सहभागीहरूलाई बिभिन्न आकर्षक उपहारको समेत व्यवस्था गरेको जनाएको छ ।
भर्चुअल लञ्च कार्यक्रम साँझ ४ बजे पश्चात प्रोटोन कार्स नेपालको आधिकारिक फेसबुक पेज मार्फत प्रत्यक्ष प्रसारण गरिनेछ।
उक्त कार्यक्रममा सहभागी बन्नका लागि प्रोटोनकार्स नेपालको फेसबुक पेजमा (facebook/protoncarsnepal) रहेको The New PROTON X 70 Virtual Launch event क्लिक गरि Going अथवा Interested मा क्लिक गर्नुपर्ने हुन्छ। साथै यस भर्चुअल लञ्च कार्यक्रममा सहभागिता जनाएमा मात्र पनि जगदम्बा मोटर्सले सहभागीहरुलाई बिभिन्न आकर्षक उपहारको समेत व्यवस्था गरेको छ ।
प्रोटोन अटोमोबाइल कम्पनी छोटो समयमा प्रसिद्धि कमाउन सफल मलेशियाको राष्ट्रिय अटोमोबाइल कम्पनी हो जसले १९८५ मा प्रोटोन साँगाको रुपमा आफ्नो प्रथम गाडी बजारमा ल्याएको थियो।
प्रतिक्रिया