काठमाडौँ- राप्रपा अध्यक्ष कमल थापाले चुनावको विरोध गर्नेहरुले अस्थिरता चाहेको आरोप लगाएका छन् ।

उनले आज सामाजिक सञ्जाल ट्वीटरमा ट्वीट गर्दै हालको अस्थिरता र संकट समाधानको सहज,प्रजातान्त्रिक र संवैधानिक बाटो चुनाव नै भएको जिकिर गरेका छन् ।

अध्यक्ष थापाले प्रतिगमनको त्रास देखाएर चुनावको विरोध गर्नेहरूले प्रजातन्त्र र संविधानलाई बलियो बनाउनका लागि नभई बिदेशीलाई ’कम्फर्टेबल’ सरकार बनाईदिन लागि परेको आरोप लगाएका छन् ।

उनले भनेका छन्, ‘हालको अस्थिरता र संकट समाधानको सहज, प्रजातान्त्रिक र संवैधानिक बाटो चुनाव हो । प्रतिगमनको त्रास देखाएर चुनावको विरोध गर्नेहरूले प्रजातन्त्र र संविधानलाई बलियो बनाउन होईन, बिदेशीलाई ‘कम्फर्टेबल’ सरकार बनाई भ्रष्टाचार,सर्वसत्तावाद र अस्थिरताको नयाँ श्रृङ्खला चलाउन खोजेका छन् ।’

हालको अस्थिरता र संकट समाधानको सहज,प्रजातान्त्रिक र संवैधानिक बाटो चुनाव हो।
प्रतिगमनको त्रास देखाएर चुनावको विरोध गर्नेहरूले प्रजातन्त्र र संविधानलाई बलियो बनाउन होईन,बिदेशीलाई ‘कम्फर्टेबल’ सरकार बनाई भ्रष्टाचार,सर्वसत्तावाद र अस्थिरताको नयाँ श्रृङ्खला चलाउन खोजेका छन्।

— Kamal Thapa (@KTnepal) June 27, 2021

उनले संविधानको धारा ७६-५ लाई निर्दलीय आधारमा ब्याख्या गर्न नुहने पनि बताएका छन् ।

विद्यमान चुनावी प्रणालीको कारण एउटै दलले पूर्ण बहुमत पाउने सम्भावना कम भएकाले संविधानको धारा ७६(५)लाई निर्दलीय आधारमा प्रयोग गर्न पाईने नजिर कायम भएमा भविष्यमा फ्लोरक्रस, पार्टी विभाजन,अपवित्र गठबन्धन र अस्थिरता नियमित र वैधानिक हुने पनि बताए ।

उनले भनेका छन्, ‘विद्यमान चुनाव प्रणालीको कारण साधारणतया एउटै दलले पूर्ण बहुमत पाउने सम्भावना कम छ । त्यस अवस्थामा संविधानको धारा ७६(५)लाई निर्दलीय आधारमा प्रयोग गर्न पाईने नजिर कायम भयो भने भविष्यमा फ्लोरक्रस, पार्टी विभाजन, अपवित्र गठबन्धन र अस्थिरता नियमित र वैधानिक हुनेछ । के संविधानको आशय त्यही हो?’