काठमाडौँ- इंग्लिस प्रिमियर लिग फुटबलमा लेष्टर सिटीले क्रिस्टल प्यालेसविरूद्ध पुनरागमन जित निकालेको छ ।

सोमबार राति भएको खेलमा लेष्टरले क्रिस्टलमाथि पुनरागमन गर्दै २-१ को जित निकालेको हो ।

लेष्टरको मैदानमा खेलको १२औं मिनेटमा विल्फ्रिड जाहाले गोल गर्दै क्रिस्टललाई सुरुवाती अग्रता दिलाएका थिए ।

तर खेलको ५०औं मिनेटमा टिमोथी कास्टाग्नेले गोल गर्दै लेष्टरलाई १-१ गोलको बराबरीमा ल्याए ।

८०औं मिनेटमा केलिची इहानाचोले गोल गर्दै लेष्टरलाई २-१ को जित दिलाए । जितसँगै लेष्टरले ३३ खेलमा ६२ अंक सहित तेस्रो स्थानमा छ ।

तेस्रो स्थानमा रहेको लेष्टर च्याम्पियन्स लिग छनोट नजिक समेत पुगेको छ । क्रिस्टल ३८ अंकसहित १३औं स्थानमा छ ।