— २५० ग्राम अडरको दाललाई उमालेर उसलाई टाउकोमा मालिस गर्नुहोस् । जसले गर्दा कपाल झर्न कम हुन्छ ।

—कागतीको जरालाई पिसेर कपाल नुहाउनुहोस् र नरिवलको तेल लगाउनुहोस् जसले गर्दा कपाल झर्न कम हुनछ ।

—अमलाको रस प्रतिदिन ४ चम्चाका दरले खानाले कपालका सम्पूर्ण रोग निको हुन्छ ।

—चार चम्चा बाख्राको दुध (काँचो), ४ चम्चा मह र ४ वटा अण्डालाई तातेको तेलमा समान मात्रामा मिलाई कपालमा लगाउनुहोस् । केही समयपछि साबुन वा सेम्पुले धुनुहोस् । जसले गर्दा कपाल झर्न छाड्छ ।

—सरस्युँको तेलले कपाल मालिस गर्नाले कपाल झर्न छाड्छ ।

—१ भाग शुद्ध महमा २ भाग कागतीको रस मिलाई टाउकोमा लगाउनाले कपाल झर्न छाड्छ ।

—जटामसीको २५० ग्राम मोटो धुलोलाई १ लिटर पानीमा भिजाई यसलाई उमाल्नुहोस् र २५० ग्राम तिलको तेल मिलाई फेरि उमाल्नुहोस् । यसरी तयार भएको मिश्रणलाई दिनमा दुई पटक कपालमा लगाउनाले कपाल कालो र मजबुट हुन्छ ।

—नरिवलको तेल २५० ग्राम, मेहन्दीको पात ५० ग्राम दुवैलाई आगोमा राखी पकाउनुहोस् जब पात जल्न सुरु हुन्छ तब आगोबाट हटाउनुहोस् । यस तेललाई कपालमा लगाउनाले कपाल झर्न छाड्छ ।

साभार : ‘मेरो डाक्टर’ पुस्तकबाट