काठमाडौँ– विराटनगर महानगरपालिकाको टोलीले राष्ट्रिय महिला लिगमा पहिलो जीत हात पारेको छ।

बुधबार सातदोबाटोस्थित एन्फा मैदमनमा भएको खेलमा चन्द्रपुर नगरपालिका रौतहटको टोलीलाई विराटनगरले ५-० गोलले पराजित गरेको हो।

विराटनगरले तेस्रो चरणमा जित हात पार्न कुसुम खतिवडाले ह्याट्रिक पूरा गरिन्। उनले खेलको १२ औँ मिनेटमा गोल गर्दै टिमलाई अग्रता दिलाएकी थिइन् । त्यसपछि उनले ६९ औँ र ७० औँ मिनेटमा गोल गर्दै ह्याट्रिक पूरा गरिन्।

त्यस्तै विराटनगरका लागि अनु राईले ३२ र सरिता शेर्पाले ६३औँ मिनेटमा गोल गरिन्। विराटनगरले पहिलो जित हात पार्दा चन्द्रपुरले अहिलेसम्म १ खेल जितेको छ।

विराटनगरिवरुद्ध चन्द्रपुरका खेलाडीले लय समात्न नसक्दा फराकिलो हार व्येहोरेको हो। लिगमा विराटनगरले ४ अंक बटुलेको छ भने चन्द्रपुरको ३ अंक रहेको छ।