काठमाडौँ– अफगानिस्तानमा तालिबाने काबुल शहरको महत्वपूर्ण क्षेत्रको सुरक्षाका लागि नयाँ सुरक्षा बल बनाएको छ ।
हालै कैयौं चरमपन्थी संगठनहरुले शहरको शान्ति सुरक्षालाई चुनौती दिने जस्ता सन्देशहरु सार्वजनिक गरेका थिए । २४ अगस्टमा एक ट्वीटर पोस्टमा तालिबानको अरबी भाषाको ह्याण्डलले यो विषयमा जानकारी दिएको छ । ट्वीटमा एक तस्वीरसहित लेखिएको छ, ‘यो फतेह वाक’ अथवा विजेता बल हो यसले काबुल शहरमा गस्ती गर्न सुरु गरिसकेको छ ।’
وحدات (فاتح ځواک) (الجيش الفاتح) على أهبة الاستعداد، ويقومون بالدوريات الأمنية في العاصمة #كابول. pic.twitter.com/gpovIiEcDP
— الإمارة الإسلامية (@alemara_ar) August 24, 2021
पोस्ट गरिएका ४ वटा तस्वीरमा हतियारसहित सैनिक आफ्नो सुरक्षा वाहनका साथ देखिन्छन् । अर्को तस्वीरमा यी सवारी साधानमा नयाँ फोर्सको पस्तो र अंग्रेजी नाम देखिन्छन् ।
महत्वपूर्ण स्थानको सुरक्षा
तालिबानको अरबी भाषाको ट्वीटर ह्याण्डलले यसभन्दा धेरै जानकारी दिएको छैन । तर इस्लामिक इमिरेट्सको मल्टिमिडियाको ह्याण्डलले नयाँ फोर्सले सराय शहजादासहित काबुल शहरको सुरक्षा गरिरहेको दावी गरेको छ ।
१५ अगस्टमा तालिबानले काबुलमा कब्जा गरेपछि उसको अरबी भाषाको ट्वीटर ह्याण्डलले बद्री ३१३ नामको एक यूनिटलाई स्पेशल बलको नामबाट प्रचारित गरेको थियो । १५ र १७ अगस्टका ट्वीट्समा तालिबानले बद्री ३१३ यूनिटलाई राष्ट्रपति भवनका साथै रणनीतिक र संवेदनशील क्षेत्रको सुरक्षामा तैनाथ गरिएको बताइएको छ ।
जुलाईमा तालिबान प्रवक्ता जबीबुल्लाह मुजादिनले बद्री ३१३ को पासिंग आउटबारे ट्वीट गरेका थिए । यसअघि उनले नोभेम्बर २०१८ मा पनि यही फोर्सको चर्चा गरेका थिए । गएका दिनहरुमा तालिबानले मानिसहरुको जीवन सामान्य अवस्थामा फर्किएको सन्देश दिने प्रयास गरिरहेको छ ।
चीनद्वारा सहयोगको प्रस्ताव
यसैबीच चीनले अफगानिस्तानमा शान्ति र पुनःनिर्माणका लागि सहयोग गर्न तयार रहेको बताएको छ । चीनले अफगान तालिबानको एक प्रतिनिधिमण्डलले चिनियाँ राजदूतसँग भएको भेटका क्रममा यस्तो सहयोगको प्रस्ताव गरेको हो । चिनियाँ सरकार समर्थित सञ्चार माध्यम द पेपरले चिनियाँ राजदूत र तालिबान प्रतिनिधिमण्डलबीचको भेटलाई प्रभावकारी र महत्वूर्ण भनेको छ ।
د صلاح الدین ایوبي (رح) له معسکر څخه لسګونه مجاهدین فارغ او د اسلامي نظام د نفاذ په وړاندې د موجودو خنډونو د له منځه وړلو په هدف د بدري لښکر په ۳۱۳ پوځي قطعه کې تنظیم او مؤظف شول. pic.twitter.com/XjCENYNgTQ
— Zabihullah (..ذبـــــیح الله م ) (@Zabehulah_M33) July 28, 2021
रुस र पाकिस्तानपछि तालिबानको कब्जालाई सहज रुपमा लिने चीन तेस्रो मुलुक हो । काबुलमा नियन्त्रण गर्नुभन्दा पहिला पनि तालिबान प्रतिनिधिमण्डल बेइजिङ गएको थियो । सो प्रतिनिधिमण्डलले चिनियाँ विदेशमन्त्री वाङ यीसँग भेट गरेको थियो । चिनियाँ सञ्चार माध्यमहरुले सो भेटको तस्वीर सार्वजनिकसमेत गरेका थिए । त्यतिबेला नै तालिबानले चीनसँग समन्वय गर्न तयार रहेको बताएको थियो । (बीबीसीको सहयोगमा)
प्रतिक्रिया