काठमाडौँ– साताको दोस्रो दिन शेयर बजार नेप्से परिसूचक ८ दशमलव २४ अंकले घटेर ३,०५० दशमलव ४३ को विन्दुमा कायम भएको छ ।

आज दिनभरमा २२३ वटा कम्पनीको ३ करोड ७० लाख ६१ हजार ४४७ कित्ता शेयर किनबेच हुँदा १४ अर्ब १३ करोड ९७ लाख ८५ हजार रुपैयाँको शेयर कारोबार भएको छ ।

कारोबारमा आएका १३ मध्ये ८ वटा उपसूचक बढेका छन् ।

आज सबैभन्दा धेरै ङादी पावर कम्पनीको ३९ करोड ३० लाख, हिमालयन डिस्टीलरीको ३३ करोड ५६ लाख, एनआइसी एशिया बैंकको ३३ करोड ४१ लाख रुपैयाँको शेयर कारोबार भएको छ ।

त्यस्तै, कृषि विकास बैंकको ३२ करोड ८५ लाख, नेपाल बैंकको ३२ करोड ३१ लाख. र अरुण भ्याली हाइड्रोपावर कम्पनीको ३२ करोड १२ लाख रुपैयाँको शेयर कारोबार भएको छ ।

त्यसैगरी सबैभन्दा धेरै विशाल बजार कम्पनी, जानकी फाइनान्स, रिडी हाइड्रोपावर कम्पनी, माउन्टेन हाइड्रो कम्पनी र ग्रिन लाइफका लगानीकर्ताले कमाएका छन् ।

आज यी कम्पनीका लगानीकर्ताले १० प्रतिशतका दरले कमाएका छन् । त्यस्तै, हिमालयन उर्जा विकासका लगानीकर्ताले ९ दशमलव ९९ प्रतिशतका दरले कमाएका छन् ।

सबैभन्दा धेरै एनआइसी एशिया डिबेञ्चरका इकाई धनीले गुमाएका छन् ।