बुटबल– सरकारका उपप्रधानमन्त्री अर्थ एवम् उर्जा, जलस्रोत तथा सिंचाइ मन्त्री विष्णुप्रसाद पौडेलले प्रतिनिधिसभाले वैकल्पिक सरकार दिन नसक्दा ताजा जनादेशमा जान बाध्य भएको बताएका छन् ।

कालीगण्डकी तिनाउ डाइभर्सन बहुउद्देश्यीय आयोजना बुटवलको कार्यालय उद्घाटन गर्दै उनले प्रनिधिसभाले वैकल्पिक सरकारसमेत दिन नसकेको बताए । नेकपा एमालेका नेता पौडेलले संवैधानिक व्यवस्था अनुसार नै प्रतिनिधिसभा विघटन भएको बताए ।

निर्वाचनका माध्यमबाट राजनीतिक स्थिरता सिर्जना गर्दै विकासको अभियान सञ्चालन गर्न विश्वसनीय विकल्प भएको मन्त्री पौडेलले बताए ।

लोकतन्त्रको प्राण निर्वाचन भएकाले राजनीतिक दल निर्वाचनसँग नडराउन उनले आग्रह गरे । निर्वाचन बाध्यताकारी रुपमा रहेको उनले बताउँदै प्रतिनिधिसभाले बैकल्पिक सरकार दिन नसक्दा निर्वाचनमा देश गएको पौडेलले दोहोर्‍याए ।