काठमाडौँ – आज लागुऔषध दुरुपयोग तथा अवैध ओसारपसारविरुद्धको अन्तर्राष्ट्रिय दिवस, नेपालमा पनि चेतनामुलक कार्यक्रम गरेर मनाइँदैछ ।
हरेक वर्ष जुन २६ मा यो दिवस मनाउने गरिन्छ । संयुक्त राष्ट्र सङ्घको महासभाबाट सन् १९८७ मा विश्व समुदायलाई लागुऔषधको असर र कारोबारबाट मुक्त बनाउने उद्देश्यका साथ यो दिवस मनाउने घोषणा गरिएको थियो ।
नेपालमा यस वर्ष ‘लागुऔषधरहित परिवार : स्वस्थ जीवनको आधार’ भन्ने नारा तय गरेर दिवस मनाइँदैछ ।
नेपालमा एक लाख ३० हजार ४ सय २४ जना लागुऔषध प्रयोगकर्ता रहेको पछिल्लो प्रतिवेदनमा उल्लेख छ । लागुऔषध प्रयोगकर्ता सर्वेक्षण २०७६ ले नेपालमा वार्षिक वृद्धिदर ५ दशमलव ०६ प्रतिशत रहेको आकलन गरेको छ ।
प्रतिक्रिया