काठमाडौँ– नेपाल चिकित्सक संघले कोभिड –१९ बाट अति प्रभावित जिल्लाहरुमा स्वास्थ्य संकटकाल घोषणा गर्न सरकारलाई समक्ष आग्रह गरेको छ ।

चिकित्सक संघले सोमबार विज्ञप्ति जारी गर्दै अस्पतालहरुमा सघन उपचार शैया, औषधि र अक्सिजनको अभावका कारण मृत्यु हुनेहरूको संख्या दिनप्रतिदिन बढ्दै गइरहेको परिस्थितिले गम्भीर ध्यानाकर्षण भएको जनाएको छ ।

संघले नेपालमा कोरोनाको दोस्रो लहर आइसकेर नयाँ स्वरुपको संक्रमण पनि पुष्टि भइ तीव्र बन्दै गएकाले लकडाउन गर्न आग्रह गरेको हो ।

संक्रमण नियन्त्रणका लागि सरकार, स्वास्थ्यकर्मी र सर्वसाधारणलाई सावधानी अपनाउन संघको अपिल छ । त्यस्तै संघले कोभिड नियन्त्रणका लागि सरकार, स्वास्थ्यकर्मी र सर्वसाधारणलाई छुट्टाछुट्टै सुझाव पनि दिएको छ ।

संघले कोभिड अस्पताल घोषणा गरी संक्रमितलाई छुट्टै उपचार गर्न र फ्रन्टलाइनमा काम गर्ने स्वास्थ्यकर्मीहरु अझै पनि कोरोना खोपबाट बञ्चित रहेको हुँदा यथाशीघ्र उपलब्ध गराउन माग गरेको छ ।

यस्तो छ विज्ञप्ति