काठमाडौँ– काठमाडौंको आकासमा तुवाँलो फैलिएपछि भिजिबिलिटी कम हुँदा त्रिभुवन अन्तर्राष्ट्रिय विमानस्थलमा हवाइ उडान प्रभावित भएको छ ।

आज दिउँसोदेखि आकाशमा तुँवालो फैलिँदा हवाई उडान प्रभावित भएको विमानस्थल स्रोतले जानकारी दिएको हो ।

नेपाल नागरिक उड्डयन प्राधिकरणका अनुसार विमानस्थलमा उडानका आवश्यक भिजिबिलिटी नभएपछि हवाई उडान बन्द गरिएको हो। विमानस्थल प्रमुख प्रताप तिवारीले दिउँसो तीन बजेदेखि उडान बन्द भएको जानकारी दिए ।

उनले भने, ‘हवाइ उडानका लागि ८ सय मिटरसम्म देखिनुपर्ने हुन्छ तर काठमाडौंमा अहिले त्योभन्दा न्यून छ।’

उनले हवाई अवतरणका लागि साना जहाजका लागि १६ सय मिटर भिजिबिलिटी चाहिन्छ भने ठूला जहाजका लागि २८ सय मिटर चाहिने जानकारी दिए ।