काठमाडौँ– ऊर्जामन्त्री टोपबहादुर रायमाझीले अर्को पार्टीसँग मिलेर केपी शर्मा ओली नेतृत्वमै नयाँ सरकार बन्न सक्ने दाबी गरेका छन् ।

अनेरास्ववियुले काठमाडौँमा आयोजना गरेको कार्यकर्ता भेलालाई सम्बोधन गर्दै मन्त्री रायमाझीले यस्तो दाबी गरेका हुन् ।

उनले भने, ‘हामीसँग कुनै सम्भावना सकिएको छैन। जस्तोसुकै परिस्थिती आएपनि जान सक्छौँ।’

मन्त्री रायमाझीले संसद पुनःस्थापना भएपछि खुसी भएर लड्डु बाड्नुको कुनै अर्थ नरहेको समेत टिप्पणी गरे । उनले संसदमा होस् वा निर्वाचनमा दुवैतिर लड्न आफूहरु तयार रहेको बताए ।

उनले प्रधानमन्त्री विरुद्धको अविश्वास प्रस्ताव पारित भएन, नयाँ सरकार बन्न सकेन र झमेला भइरह्यो भने मध्यावधि चुनावको सम्भावना रहेको उनको भनाइ थियो ।