कोरोना कहरका कारण गत वर्ष बलिउडमा धेरै फिल्म रिलिज हुन पाएनन् । तथापी नयाँ वर्षको शुरुवातमा केही फिल्महरु रिलिज हुन थालेका छन् । यसैबीच ‘बाहुबली’का निर्माता एसएस राजामौलीको बहुप्रतिक्षित फिल्म ‘आरआरआर’ को पोस्टर र रिलिज डेट सार्वजनिक भएको छ ।

मल्टीस्टारर फिल्म ‘आरआरआर’ आगामी दशैंको अवसर पारी यही वर्ष अक्टुबर १३ मा रिलिज हुने भएको छ । फिल्ममा जूनियर एनटीआर, राम चरण, अजय देवगन, आलिया भट्ट, समुथिरकानी र एलीसन डूडीसहित बलिउडका लोकप्रिय कलाकारको अभिनय रहेको छ ।

फिल्ममा आलिया राम चरणको जोडीको रुपमा देखा पर्नेछिन् । जबकी जूनियर एनटीआर ओलिवियाका साथमा रोमान्स गर्दै देखिनेछन् । ‘आरआरआर’ एक अखिल भारतीय फिल्म हो । यो फिल्म तेलुगू, हिन्दी, तमिल, मलयालम, कन्नडसहित अन्य कैयौं भाषामा रिलीज गरीनेछ । फिल्मको सुटिंग लगभग सकिने अवस्थामा पुगेको छ ।