काठमाडौं– फिल्म ‘काँडेतार’को छायांकन सकिएको छ । नवल खड्काको निर्माण र निर्देशनमा बनेको फिल्मको हालै छायांकन सकिएको हो ।

निर्माता तथा निर्देशक खड्काका अनुसार सिमानामा काँडेतार बारले मुलुकबिचका नागरिक र भूमिको संरक्षण गर्दै असल छिमेकीसँगको सद्भाव कायम राख्न सकिन्छ भन्ने कथा फिल्मले बोकेको छ ।

फिल्ममा नवल खडका, गौरव पहाडी, रेविका गुरूङ, प्रशान्त यादब, सुरबिना कार्की, मुररीधर, सञ्जय खतिवडा, रोमियन लिम्बु, प्रेम सुब्बा, पर्शुराम चौधरीलगायतका कलाकारको अभिनय छ ।

गायिका सत्यकला राई कार्यकारी निर्माता रहेको फिल्ममा शिवम् अधिकारी र नवल खड्काको लेखन, सौरभ लामाको छायांकना, श्री श्रेष्ठको द्वन्द्व, कविराज गहतराको नृत्य र मणी थापा तथा दीपक शर्माको संगीत छ ।