काठमाडौँ- प्रधानन्यायाधीश चोलेन्द्र शम्शेर राणाले मार्ग प्रशस्त गर्नुपर्ने धारणामा रहेको सर्वोच्च अदालतका न्यायाधिसहरु इजलासमा नगई छलफलमै छन्।

न्यायाधीसहरुले इजलासमा नगई छलफलमा रहेकाले प्रधानन्यायाधीश राणाको नेतृत्व अघोषित रूपमा अस्वीकार गरी बेञ्ज बहिष्कारको रूपमा हेरिएको छ।

प्रधानन्यायाधीश राणाले बोलाएको फुल कोर्टको बैठकमा सहभागी नहुने निर्णय गरेका सर्वोच्च अदालतमा उपलब्ध सबै न्यायाधिसहरु अहिले बैठकमै छन्।

सर्वोच्च अदालतमा उपस्थित न्यायाधिसहरु बैठकमा रहेकाले प्रधानन्यायाधीश चोलेन्द्र शमशेर जबराले १३ जना न्यायाधीशलाई ७ वटा पेशी तोकेपनि कुनैपनि इजलास बस्न सकेको छैन।

खबरहबसंग कुराकानी गर्दै एक न्यायाधिसले विभिन्न विषयहरूमा छलफल भएको र बैठक लम्बिन सक्ने बताए, उनले न्यायिक नेतृत्वलाई अब स्वीकार गर्न नसकिने भन्दै भद्र रूपमा राणाले मार्ग प्रशस्त गरुन् भनी इजलासमा नगएको अर्थमा बुझ्नुपर्ने बताए।

सर्वोच्चबाट अब बिदा लिई मार्ग प्रशस्त गर्न राणा तयार भए त्यस्तो बैठकमा सहभागी हुने तर उनले गर्ने अन्य गतिविधिले न्यायपालिकाको गरिमालाई जोगाउन नसक्ने उनले बताए। प्रधानन्यायाधीश राणाले आज पनि आफ्नो इजलास तोकेका छैनन्।

एक पछि अर्को विवादमा तानिँदै गएका प्रधानन्यायाधीश राणाले बिदापछि अदालत खुले देखीनै आफूलाई बहिष्कार गर्नसक्ने डरले आफ्नालागि पेशी नै तोकेका छैनन। सर्वोच्च अदालतका सबै न्यायाधीसहरुले अवज्ञा गरेको देखीएको छ।