काठमाडौं–गायक राजेशपायल राईको स्वरमा रहेको गीत ‘देम सारो’ सार्वजनिक भएको छ । गायक राईको एलबम ‘दर्शन नमस्ते–५’मा रहेको यो गीतमा राजेशकै संगीत, राजन मुकारुङको शब्द र फडिन्द्र राईको एरेञ्ज छ ।
गीतको भिडियोमा राजेशपायलसँगै दयाहाङ राई, विल्सनविक्रम राई, विशाल लिम्बु, सुजन राई र रजनी गुरुङ फिचर्ड छन् । भिडियोमा राजेशपायल, दयाहाङ र विल्सनको रजनीप्रतिको एकोहोरो र अपुरो प्रेमलाई देखाइएको छ । भिडियोमा बुद्धि तामाङ ‘हैट’ विशेष भूमिकामा छन् ।
किरण चाम्लिङ राईको निर्देशन रहेको भिडियोमा मनोज कार्कीको सम्पादन र कलर, विक्रम डिसीको छायांकन र कमल राईको कोरियोग्राफी छ । भिडियो राजेशपायल राई युट्युब च्यानलबाट सार्वजनिक गरिएको हो ।
प्रतिक्रिया