काठमाडौँ– विपक्षी गठबन्धनका शीर्ष नेताहरूको बैठक सिंहदरबारमा जारी छ ।

कांग्रेस संसदीय दलको कार्यालयमा जारी बैठकमा सभापति शेरबहादुर देउवा, माओवादी अध्यक्ष पुष्पकमल दाहाल प्रचण्ड, एमालेबाट निस्कासित नेता माधवकुमार नेपाल र जसपा अध्यक्ष उपेन्द्र यादव सहभागी छन् ।

बैठकमा सर्वोच्च अदालतमा दायर भएको रिट र पछिल्लो अवस्थाका बारेमा केन्द्रित रहेर छलफल भएको नेता रमेश लेखकले जानकारी दिए । उनले भने, ‘नेताहरुका बीचमा भइरहेको छलफलमा आजको छलफल भनेको न्यायिक लडाइँ कसरी अगाडि बढ्छौँ भन्ने विषयमा केन्द्रित छ ।’

संसद पुन: स्थापना र कांग्रेस सभापति देउवालाई प्रधानमन्त्री नियुक्त गर्ने आदेश माग्दै सर्वोच्चमा रिट दायर गरेका नेताहरू गठबन्धनको आन्तरिक रणनीति बनाउन छलफलमा जुटेका हुन् ।